A filetta a l’institutu di u mondu arabu

Sò andatu a stà da sente u gruppu A Filetta a l’Institutu du Mondu Arabu (IMA) in Parigi u 5 d’ottobre. Hannu fattu un trionfu tantu hannu duratu i sciaccamani. U publicu fattu di corsi, ma dinò di melomani parigini, hè statu cattivatu da un opera uriginale chi ci ha purtatu a u core di u spiritu umanu.

Medea di Seneque si mischiò indè i soni é i ricocchi di e voce. Un sintemente tragicu rialzatu ci pigliò Ã© ci purtò a l’incontru di sti persunaggi chi raprisentinu a forza a a debulezza di l’omu in faccia a l’elementi. Fu cume s’elli fussinu a l’urigine ma ugualemente sempre a l’incroghju di a Storia umana : u sceltu di u scunnisciutu Ã© di i risichi contra a prumessa di una vita più bella.

Jasone Ã© i sò cumpagni l’hannu pagatu caru. Medea raprisentò u furore scatenatu é irresistibule di i Diii. Eccu u fattu, a sorte di l’omu é vale dinò per oghje.

U stilu di u gruppu sobriu sprimò a volunta di dà tutta a piazza a l’opera, u fruttu di u sò travagliu. A lingua corsa risunò cume una lea tra a mente di sti luntani antenati é u spiritu di l’omu mudernu.

Tuttu u publicu inottizatu seguitò i cantadori mentre chi u purtavanu a longu a e tribulazione di l’argonauti, Ã© tutti sò revenuti cu u parè d’avé passatu un mumentu eccezziunale.

Bravu a A Filetta chi fa sorte a cultura corsa di u stadiu di riacquistu rughjunale per purtalla a u livellu d’arte mudernu e internaziunale.