U Ghjattu

Aghju nè u ciarbellu un incantu
Di ghjattu bellu, dolce è forte
Chi stà cume in casa soia
Appena se si sente quand’ellu mauna

D’un sonu tenere è misuratu
Ma chi a so voce s’apaci ò gridi
Pare sempre piena è prufonda
Ghjè tutta à sò grazia è u sò sicretu

Sta voce chi stilla è filtra
Nè u miò intimu bughjosu
Cume se fussi un varmu numerosu
Tale un filtru mi empie è mi rallegra

Addrumenta e pene e più crude
E cuntene tutte l’estasi
Pè fane i più longhi discorsi
Un’ ha bisognu di parolle

Nò, un c’hè d’archettu chi cusì
Mi mursicheghja u core,
Strumente perfettu, è chi face freme
Un cantu più maestosu,

Solu a tò voce, ghjattu enimmaticu,
Ghjattu celeste, ghjattu stranu
In quale tuttu ghjè, tale un anghjulu,
Cusì argutu è cusì armuniosu

Di u sò mantu di peli biondi è bruni
Sorte un profumu cusì dolce
Che una sera ne fubbi imbalsamatu
Dopu una carezza, una sola

Ghjè l’animu casanu di u locu
Ghjudica, presiede, inspira
Tutte e cose di u sò imperiu
Magaru hè una fata ò un diu ?

Quandu versu stu ghjattu chi tengu caru
I mò ochji cume attirati da una calamita
Si giranu ammansati
E ch’eiu fideghju in me,

Vegu stupitu u focu
Di e sò piupille palide
Cume chjari fanali, vivente opale
Chi mi cuntemplanu immobile

Adattatu da Charles Baudelaire

Powered by ScribeFire.

Currispundenze corse

Quandu Charles Baudelaire scrisse ’ste currispundenze, in piena rivoluzione industriale, avia in capu una lingua sapienta.
U corsu, a nostra lingua vernacula, ci permette di ghucà à riculurisce certi di i sò testi sulenni cu tinte più populare.
Eccu unu di sti ghjochi.

 

A Natura hè un tempiu in duve pilastri vivi

Cappianu à tratti cunfuse parolle.

Appena l’omu franca una machja di simbuli

da ochjate casane si sente guaitatu.

 

Cume longhi ricocchi chi finiscenu uniti

In un mischjume prufondu è bughjosu,

Stesu cume a notte è cume u chjarore,

I profumi, i culori è i soni si rispondenu.

 

Ci sò profumi freschi cume carne di ciucci,

dolci cume oboi, verdi cume pasciali,

E d’altri, cu a crescita di e cose infinite,

 

Tale l’ambra, u muscu, u benzoinu è l’incensi,

Cantendu l’ardore di l’animu è di i sensi,

Prusperanu currotti, ricchi è triunfanti.

 

Adattatu da Charles Baudelaire

Powered by ScribeFire.